.
A Consellaría de Cultura, a través da Dirección Xeral de Patrimonio, vén de convocar por segundo ano consecutivo unha liña de axudas destinadas á conservación e restauración dos bens etnográficos galegos. Cun orzamento de 300.000 euros están dirixidas aos propietarios de bens inmobles inventariados, tales como hórreos, cabazos, piornos, celeiros, cruceiros, petos de ánimas, palleiras, alpendres, pallozas, muíños, fontes, lavadoiros, fornos, pombais e outros elementos etnográficos similares.
As axudas a particulares e asociacións para a restauración de bens etnográficos teñen por obxectivo contribuír a concienciar sobre a importancia do patrimonio, na liña da campaña que está desenvolvendo a Consellaría de Cultura, co obxectivo de transmitir a necesidade de coidalo. Cunha política de tolerancia cero e unha campaña de concienciación social, Cultura busca facer fronte ás continuas agresións ás que está exposto o patrimonio cultural galego e que afectan gravemente a riqueza cultural do país.
Noticia publicada na Web da Consellaría de Cultura e Deportes.
chuzame -
Grazas por poñernos na túa lista de enlaces. Tes unha páxina moi interesante que visitaremos con frecuencia. Colócamos no noso blog, un post sobre o teu blog e un enlace no apartado de Historia local. Saúdos.
Grazas a vós. Realmente penso que tendes un blog excelente que é todo un referente no ámbito educativo galego.
Ah, e moitas grazas polo premio “que te pique un pollo”
Vindo de vós énchenos de orgullo… e xa temos algo do que presumir.